لە زمانی کوردییدا بەو کەسانەی کە کوردن و دژ بە خەباتی نەتەوەی و رزگاری خوازی کورد ڕادەوەستن دەگوترێ: "جاش" و وەکوو چەند سەرچاوە باس دەکەن ئەو وشەیە لەلایان مامۆستا برایم ئەحمەدەوە داندراوە و هۆکاری هەڵبژاردنی ئەو وشەیەش شوبهاندنی خۆفرۆشە کوردەکان بە جاشکی کەر بووە؛ ماکەر کە لەگەڵ جاشکەکەی دەچێتە مەزرایە جاشەکە پێشی دەکەوێت و جیفرکان دەهاوێ و لەگەڵ خۆی کایە دەکا و لە ماکەرەکە دووردەکەوێتەوە و جارجارەش رادەوستێ هەتا ماکەرەکە دەیگاتێ خۆفرۆشە کوردەکانیش وان پێش داگیر و داپلۆسێنەری کورد دەکەون و ماڵ بە ماڵی خەڵک دەپشکنن و کوران وکچانی خەڵک بۆ داگیرکەران دەستنیشان دەکەن وشەکە ئەگەر ناحەزیش بێت ناگاتە بارقەتای ناحەزی کاری ئەو نیشتمان‌فرۆشانە، ئەوان رۆژ نییە خەڵکی ئێمە نەفرۆشن و بۆ بارەقەڵایەکی دوژمن ملی خۆیان لە چەقۆ نەنین ئەوان رۆژ نییە بە قەڵەم و بە زمان و بە چەک بە گژ ئەو نەتەوە لێقەوماوە دادێەنەوە ئێستا ڕاگەیاندنی ئێمە پێی عەیب بێت وشەی" جاش" درەهەق بەو کەسانە بەکار بێنێت گەچی ئەوان لە کردەوەی خۆیان سەرخۆش بن.
بە پێچەوانە دەبێ وشەی قێزەونتر و ناشیرینتریش بەکار بهێنرێت هەتا ئەو کەسانەی کە بە گژ نەتەوەکەیان دادەچنەوە بزانن کارەکانیان چەندە ناشیرینە هەتا قەت لە ڕوویان هەڵنەیەت سەریان لە نێو کۆمەڵگادا بەرزکەنەوە و هەتا شەرم بکەن لەو کردەوەی خۆیان و لە ئاکاری دزێویان و جارێکیتر بگەرینەوە باوەشەی نەتەوەکەیان و بۆ خۆیان و بۆ نیشتمانیان تێبکۆشن نەک بۆ دوژمن و داگیرکەر بەلێ "جاش" بێحورمەتی کردنە بەڵام بێحورمەتی بە کەسێک کە شەرم لە نەتەوە و شار و کۆڵان و ماڵی خۆی ناکات و خەڵکانێک دەکاتە قوربانی کە بۆ نەتەوە و شار و وڵاتی خۆیان تێدەکۆشن ئەگەر جاشێتی عەیب نەبێت و شوورەی نەبێت ئەی چ کردەوەیەک لە دنیادا شوورەییە ئەگەر نیشتمان فرۆشی خوێریگەری نەبیت ئەدی چی هەیە کە پێی بگوترێ خوێریگەری جاش بوون و جاشێتی پەڵەیەکی نەنگە مەگەر بە گەرانەوە بۆ باوەشی نەتەوە دەنا بە هیچ شێوەیەک پاک ناکرێتەوە
